都有辦法救嘅

見到咁樣扣分，真係血都嘔埋出嚟。

明明識計，40 除8.5 = 4 (個) … 6 (元)

但係寫咗 「還餘4元」

大家又唔好太怪小朋友，試問大人一行抄落下一行，係唔係真係唔會錯先。如果大家係抄中文由一行抄落下一行，真係應該唔會抄錯。咁如果抄火星文呢？

小朋友就係都對個「量」冇感覺。只係覺得將一個火星字抄落一下行，咁就自然好易錯。呢個錯去到高中生都會發生。

避免嘅辦法就係要令佢對每行數嘅量要有D感覺，最好想象一手揸住4個包，另一手揸住一個5蚊一個1蚊。咁應該冇咁易抄錯。

當然都要養成習慣抄數落每一行之後都要對下。

至於補救嘅辦法就係「驗算」，用個答案計返一次。4個包，每個 $8.5，再加6蚊，計唔計得返40。