小五小六階段嘅運算能力，主要係快而準咁計算整數、分數及小數的四則運算、分數及百分數互換、簡單方程計算等。

有幾點各位家長要留意。

1. 做練習做到熟就要停，過一陣再做鞏固練習或做返錯過嘅題目

如果d功課好淺，例如小五只係計異分母分數嘅加減，但係都做得好慢同埋做錯，就要買d淺嘅練習操下。反之，如果子女好輕鬆咁就做完數學功課，就唔好再畀d淺練習佢做。

學生好多嘢學，明明識過，隔幾個星期又唔識做，呢d係好正常嘅現象。所以測考前要做返d深題目或之前錯過嘅題目操下。

2. 一定要明

唔明的話，好快會唔記得，問得刁鑽d就唔識答。

例如做異分母分數嘅加減時，如果背咗要先通分，再加減。而唔清楚點解要咁做，就好易過一陣就唔記得點做。如果見到 ½+⅓=⅖ 就係唔明所以亂計。

呢題點樣先係明呢？就係要知道如果分母唔同，分數單位就唔同，每份嘅大小所以唔同，就唔可以直接加。只有經過通分母，咁兩個數嘅分數單位相同，每份大細係一樣，先可以進行加減。

3. 20以內嘅心算，10×10乘數表內嘅乘除，要唔駛用時間諗即刻講到。

玩下super 24 有幫助嘅。

4. 背熟一d常用嘅分數小數互化

½=0.5

¼=0.25

¾=0.75

⅛=0.125

⅜=0.375

⅝=0.625

⅞=0.875

參考：《如何培養數學能力》九章出版社，第五章 – 如何培養運算能力