你知唔知 Bill Gates (比爾蓋茲) 同 Warren Buffett (畢菲特) 會一齊玩嘅遊戲係咩？

冇錯，就係打橋牌！唔係鋤D，係合約橋牌 (Contract Bridge)，要四個人玩，兩個人一隊，partner 形式去叫牌和拿分，一個在香港比較冷門嘅玩意。

阿老豆係小朋友高小嘅時候開始教佢地打橋牌，哩個遊戲真係唔錯，一來可以俾阿仔學吓點樣同 partner 夾，二來打 Bridge 真係一個好用腦嘅遊戲，靠同 partner 嘅對叫和自己手頭上嘅牌，估吓自己可以拿最多幾多分或可以點樣攪到人地攞唔到分，又要記得晒人地出過啲咩牌，咁先至可以衡量到自己應該出邊隻牌。

我觀察咗一陣，我覺得呀，打 Bridge 其中一點小樂趣係。。。我打個比喻 (橋牌高手唔好鬧我)，就好似打麻雀咁，你而家副牌已經係雞糊底，跟住你可以舖排到啲牌令到自己可以摸到2隻靚花加自摸食到三番咁，又例如你可以安排到你手雞糊牌可以截糊攪到人地食唔出清一色咁。

因我係屬於BB班，我嘅角式係魚腩，只會係有限嘅認知去叫牌和出牌，所以攪出好多笑料，例如 partner 叫到 5 no trump，我唔知點叫喎，是是旦旦 pass 咗，攪到一鋪原本可以 Grand Slam (你當係打麻將嘅爆棚) 變咗輸3棟 😅

講真呢，我就唔係幾識玩，都唔係哩度扮代表，如果想知道玩嘅詳情，可以請教吓你身邊嘅人，又或者鼓勵吓阿仔阿女參加中學嘅 Bridge Club。

P.S. 發覺身邊原來好多大人都鍾意打 bridge，當阿仔懂得玩橋牌時，成為咗阿仔和大人之間可以一齊玩嘅遊戲。同埋我相信，將來我地老咗都可以 keep 住同阿仔玩打 bridge😃