呢條文字題，問大人的話，都可能兩三成錯。因為生活上好少用毫子，再加上可能之前幾題都係講幾多元幾多元。急住做題目，有時隻眼真係睇唔到係講’角’。

人就係咁，中文科閱讀理解尤其要睇得快，如果同學又鍾意睇小說，一定唔會習慣逐隻字睇，一定係一行一行字咁睇，咁真係會睇唔到係問「5角」而唔係「5元」。

呢D錯真係好難避免的，但如果考試測驗時，都有一D好沈悶但有效嘅方法避免呢D錯。就係：逐隻字睇題目。

當考試做完一次題目仍有時間時，呢題「驗算」嘅方法係用隻手指，遮住第二隻字(即係個「張」字)，自已唔好睇第二個字，個心讀第一個字「一」。之後移隻手指去第三個字度，個心讀第二個仔「張」。同時間要一路記住條題目問咩。

情況就好似你睇以下文字咁

一

張

20

元

紙

幣

可

兌

換

__

個

5

角

硬

幣

。

呢個係好花時間嘅「驗算」方法，但就係咁，可以由九十幾分變到一百分。

唔信的話，大家試下真係攞仔女分測試卷，計時做一次，大家有冇信心攞到一百分冇畀人陰到？好悶咁用我呢個方法，真係會攞到一百分。

我最初教小朋友呢個辦法，小朋友都唔採我。我真係當住佢面做一次佢份試卷，用呢個方法驗到一兩題錯，最後全對。佢之後先肯用，之後真多咗一百分。

記得平時做功課唔好用呢個方法，因為真係好悶。留返測驗考試先咁做。