計數唔係考書法，數字寫得靚冇分加，但一定要唔好自己都認錯係第二個數字。

寫字寫得衰而抄錯數，由初小至高中都會發生。呢個係習慣問題，唔關知識同埋能力事。

我當年如果見到囝女有邊個字寫得衰，例如個「0」寫到有D似個「6」字，就會遮住其他字，只係見到個好樣衰嘅「0」字。跟住就問另一個囝女：「呢個係咩字？」如果估錯，就會勁鬧寫字衰嗰個。如果答對，就唔鬧。感覺上公平D。佢地每次畀我咁問都好驚。

有咩好辦法寫好D數字？

「0」一定要埋口，最好由右面中間開始寫起，就算開筆有D凸出嚟都冇咁易認錯係「6」或「9」

「5」就要寫好D上面部分，例如黐埋同埋唔好凸出嚟。最緊要唔好似個「3」

「1」就唔好有斜頂，避免似「7」

「6」字上面個部分要用直線，最好留長D，以免似「0」

「4」字嘅頂頂唔好黐咁埋，如果太埋的話會似個「9」字。

另一個習慣就係字同字之間唔好黐埋，冇咁易認錯。

如果測考因為字衰被扣分，又係勁鬧，因為真係好唔抵。明明一百分，就係因為字衰 ……