這幾天整理緊早年整俾阿仔啲模擬題目，暗暗佩服當年自己點解會咁有心機整。我果兩個仔，分別讀兩間小學，測考默就好似車輪轉咁冇停過，佢地用嘅中文書又唔同，課文詞語啲題目冇得reuse，攪到我好似讀咗兩次小學咁。

其實出中文填充題，睇落好似好容易，但整起上嚟係有點難度。好嘅填充題，我覺得係要做到跟據前文後理會自自然然想起那個詞語，最好就唔會有第二個詞語可以取代。 舉個例子，用「徬徨」這個詞語出題：

❎ 例子1 : “…. 姊姊害怕得 _________ 失措 ….” (同學仔有可能填咗 ‘驚惶’, 而唔係填課文要考的 ‘徬徨’，哩條題目可以接受但冇咁好囉)

✅ 例子2 : “…. 姊姊感到 _________ 無助 ….” (咁樣出就好好多，香港嘅學生或者老師 90% 都覺得係用 ‘徬徨’)

另外，題目嘅情景又要配合小朋友的認知程度。想當年，我出俾阿仔的題目，一年級要簡單啲，六年級可以用詞豐富點，咁樣高年級的他一用到這個詞語就好似 reflect action 咁記得另外有關嘅動詞形容詞名詞。舉幾個例子啦，出一年級啲題目，唔可以出佢未去過或未做過或唔知的嘢，君子、追思會、落霞。。。唔用得，要用佢地熟悉嘅消防員、掃墓、黃昏。。。咁就好啲啦，要記住我地係考緊佢地中文詞語，唔係佢地的認知能力，哈，佢一陣問返你咩係君子，解釋又煩，同埋錯晒 focus。高年級呢，我就會用多啲詞匯，例如要考 ‘水泄不通’ 咁就唔爭在放埋 ‘熙來攘往’ 係句題目度啦，both都係形容條街好多人，啲小朋友見得多就識用家啦，作文嗰陣時寫多幾個四字語，篇作文都高分啲！諗諗吓，出填充題都係一門學問嚟！

講真，學校老師出題乜又係咁上下。

係度幫自己賣吓廣告先，冇時間或冇心機整題目俾阿仔阿女，可以在這個網店 exam100fun.com 購買，一蚊一題，篤串魚蛋都冇咗，你要魚蛋定係分數？自己揀😏