緊係重要啦！小四升小五精英班睇成績，小六升中一又係睇成績，中三升中四揀科都係睇成績，再遠啲，升大學都係睇DSE成績，點會唔重要呀？求學不是求分數，理念嚟家乍，我都好認同，但我都會貼地咁幫阿仔盤算啲分，對於小學嚟講，啲嘢咁淺點會唔識？只不過小學要考埋啲無離啦家嘅嘢，都唔明點解啲中文字要咁嚴謹，果撇長咗啲啲唔得，捺得短啲又話錯，有啲字我明白要執得正嘅，例如個 ‘土’ 字和個 ‘士’ 字長啲短啲喺唔同字嚟嘅，但有啲中文老師對寫個中文字嘅外觀喺好有要求，攪到阿仔寫字好似雕花咁，唉~ 仲有，小學常識科都唔喺考常識，考背書…

例如有常識填充題 ： ___________的發明，令資訊的流傳更為普及。

阿仔答 ‘電腦’，sorry，the answer is wrong，答案喺 ‘印刷術’ ，我估原因喺果課書教緊哩啲嘢…

不過，有時見到阿仔份常識卷，佢答埋啲嘢錯晒（好記得佢答新界的士係藍色！），我先發現阿仔喺冇常識。。。🤦🏻‍♀️

anyway，喺香港讀書就要跟佢啲遊戲規則，真係冇謂同老師拗，跟住我就喺度諗，求學不是求分數，但我有學問你唔俾分我去否定我嘅學問，真有趣！

我好明白小學家長嘅痛苦，要學一啲將來唔喺好用嘅嘢，例如中文科純熟地運用專名號但而家哩個世代99%嘅文章都唔用，又要猜估到老師想你答嘅中文不供詞填充或常識填充題，不過咁，全港嘅苦爸媽都面對緊同一樣嘅嘢，大家努力呀💪🏻