如果子女空間感方向感抽象思維差，呢D題目好易錯。

如果係你，當你遇到呢條題目時，你個腦有D咩圖象產生咗呢？佢地就可能一片空白。

試下畀多D實質嘅體會佢地，例如用張大紙版寫東南西北，再搵個人仔寫住左右，之後渣住隻公仔再試多次答方向題。

又或者搵下屋企嘅方向，之後跟住方向貼住八大張「東」「南」「西」「北」「東南」「東北」「西南」「西北」。得閒問下佢前面係左轉右轉之後向邊個方向。

屋企附近都搵下邊度係東南西北，形容地方講多D東南西北。(例如落街之後東面個巴士站)

貼張香港地圖出嚟，講多D北區、南區、東鐵線北行南行、告士打道東行等。

買個小指南針畀佢，等佢望多D, 自已多D感受方向。

呢類體會，學校課室唔易做，家長要幫下。