曾經見過有啲博客建議家長，如果小朋友幫手做家務就俾錢佢地作獎勵，仲列埋清單，你覺得這個安排好嗎？

我極之反對！

做家務是應份的，身為家庭嘅一分子，屋企嘅家務緊係全家一齊負責啦，小朋友唔應該有特權，細個唔係大晒，咁咪做啲能力做到嘅嘢囉。

今日揾佢幫手洗碗，你獎佢$10，咁，遲啲揾佢幫手掃地，你又獎佢$20，哈，之後你叫佢幫手晾衫，佢一定問你攞錢。做家務哩樣嘢變咗質，變咗係父母和子女之間一個 deal，咁即係話你要俾錢佢先做，同埋佢可以拒絶你嘅要求。咁會唔會有一日，佢 counter offer 你，佢俾$5你，叫你幫佢執返對波鞋入鞋櫃，佢大把利是錢😏。咩嘢都建基於錢，好可悲呢~

家務，係好煩㗎，咁個屋企你有份，每個人都要分擔吓啲家務㗎啦，細細個就要俾佢知咩係責任，雖然唔係啲咩大嘢，都係洗吓碗咁啫。。。

我以前呢，當佢地幫手做家務時，會鼓勵吓佢地，仲記得佢地開始幫手洗碗時，我買了佢地最鍾意嘅史迪仔碗返嚟。雖然佢地洗完啲碗係油淋淋嘅，但點都要讚吓佢地嘅付出㗎！

其實 ‘錢’ 同埋 ‘獎勵’ 係兩個重要嘅 topic ，遲啲再同大家分享多啲。