首先講吓，我屋企啲獎勵通常係要一齊分享嘅，因小朋友除了自身努力，其他人尤其是父母一定有幫過佢，所以慶祝活動係全家人一齊去 celebarte 的，大家一齊分享份喜悅，少啲只是買件禮物仔俾佢。

果次呢，其實唔記得為咩事慶祝，我地俾兩個小朋友係超級市場決定買咩做果日晚餐，budget係$100。

個遊戲規則係佢地負責買晚餐嘅嘢食，要有肉有菜有澱粉質，within budget，唔可以多出一毫子，冇計數機，全用心算去計。（嗱，數感就係每天累積返嚟！）

阿老豆俾咗個遊戲名佢，叫「$100行動」，雖然個名有啲低能，但佢地而家仲記得！

佢地好鬼興奮，真係好好笑，係間超市左揀右揀，揀成粒幾兩粒鐘都未決定到。佢地兩個要傾囉，各人都有自己鍾意和想食嘅嘢，咁佢地就要 compromise，有時會讓吓步，有時會爭取吓自己想食嘅嘢，阿爸阿媽就要見機行事，乘機教吓佢地點同人相處，例如哥哥要買德國豬手，細佬要買壽司，又唔夠錢買齊兩樣嘢，攪唔掂，咁乜試吓囉包叉燒俾佢地 suggest 吓另一啲選擇，等佢地知最好揀一啲大家都鍾意食嘅嘢，又或者，教吓佢地平均話事，如果一個揀咗肉類，咁另一個就可以揀甜品，之類之類啦。

第一次玩哩個遊戲時，佢地揀啲嘢食都算正常嘅，但攪攪吓，就求求其其買啲豬肉，一個椰菜，和一包意粉，其餘啲錢買咗咩？哈哈，薯片sssss呀，仲要唔駛3分鐘K.O.晒！🤦🏻‍♀️

#愉快童年回憶
#嗰陣時$100好好駛